Námsmat eldri námskrá

Einkunnir og grundvöllur þeirra

Einkunnir eru gefnar í öllum námsgreinum fyrir:

·   Próf í lok hverrar haust- og vorannar.

·   Frammistöðu og ástundun á hverri önn.

         Í framhaldsgrein er gefin ein einkunn í lok hverrar annar (annar­einkunn), sem samanstendur af prófseinkunn og vinnu­einkunn nema þar sem símat er þá er eingöngu gefin vinnueinkunn.

         Í stúdentsprófsgrein er gefin ein prófseinkunn og ein námseinkunn. Þar sem er símat í stúdentsprófsgrein er prófseinkunn og námseinkunn sú sama.

Sjá einnig reglur um próf (meira...)

Náms-og vinnueinkunnir

Allar náms- og vinnueinkunnir byggjast á mati kennara á vinnu nemenda. Með vinnu er átt við skyndipróf, verkefni, skýrslur, ritgerðir, mat á vinnubrögðum, skóla­sókn, ástundun og virkni í kennslustundum.

Vinnueinkunn:Í framhaldsgreinum hefur vinnueinkunn nemanda á viðkomandi önn ákveðið vægi í annareinkunn. Þetta vægi er mismunandi eftir greinum eða frá 20% og allt að 50%.

Vinnueinkunn hefur sama vægi í annareinkunn hjá  nemendum með frávik frá skólasóknarskyldu og hjá reglu­legum nemendum.

Námseinkunn:Í stúdentsprófsgreinum er gefin sérstök náms­einkunn fyrir vinnu á skólaárinu. Það gildir jafnt um reglu­lega nemendur og nemendur með frávik frá skóla­sóknarskyldu.

Möguleiki á matseinkunn í stað prófseinkunnar

Nemandi, sem nær aðaleinkunninni 8,0 eða hærra á haust­annarprófi, á rétt á að láta matseinkunnir í lok vorannar í framhaldsgreinum standa sem vorannareinkunnir og sleppa þar með prófum. Skilyrði er að nemandinn fái minnst 8,0 í vegnu meðaltali matseinkunna í öllum námsgreinum á vorönn og 6,0 í einstökum greinum sem hann sleppir prófi í. Nemandinn sækir sjálfur um í upphafi vorannar að fá matseinkunnir. Ef nemandi sættir sig ekki við tiltekna matseinkunn hefur hann rétt á að mæta í próf og ber þá að tilkynna þá ákvörðun sína til kennslustjóra á fyrsta prófdegi.