Hagfræðikjörsvið

Félagsfræðabraut Menntaskólans við Sund hefur sérstöðu að því leyti að hún býður upp á nám til stúdentsprófs á hagfræðikjörsviði. Þar er megináherslan lögð á að nemendur kynnist þjóðhagfræði, rekstrarhagfræði og bókfærslu auk þess sem stærðfræði er umfangsmikil námsgrein. Einkennisgreinar hagfræðikjörsviðs eru rekstrarhagfræði, þjóðhagfræði og stærðfræði. Á fjórða námsári vinna nemendur kjörsviðsverkefni á sviði hagfræði undir handleiðslu kennara.

Í hagfræði er lögð áhersla á að nemendur kynnist meginviðfangsefnum og grundvallarspurningum hagfræðinnar og geti skilgreint hugtök. Nemendur eiga að öðlast þekkingu og skilning á hagfræðilegum hugtökum og kenningum og geta beitt þeim á tiltekin viðfangsefni. Nemendur fylgjast með fréttum og því sem er að gerast í íslensku efnahagslífi og annars staðar og tengja það námsefninu. Þá er einnig lögð áhersla á notkun stærðfræðinnar í hagfræðinni. Rekstrarhagfræði og þjóðhagfræði eru jafn umfangsmiklar námsgreinar á hagfræðikjörsviði.

 Rekstrarhagfræði fjallar um rekstur fyrirtækja og umhverfi þeirra, framboð og eftirspurn, mismunandi markaðsform o.s.frv.. Þá er lögð sérstök áhersla á bókhald og mikilvægi þess í rekstri fyrirtækja.

Þjóðhagfræði fjallar um efnahagsþróun og helstu markmið og leiðir í stjórn efnahagsmála, mismunandi hagkerfi, peningamarkað, gjaldeyrismarkað, vinnumarkað, efnahagshringrás o.fl.

Í stærðfræði er megináhersla lögð á þá þætti stærðfræðinnar sem best gagnast í námi á háskólastigi í viðskipta- og hagfræðigreinum.

Nám á hagfræðikjörsviði veitir góða almenna menntun og miðar að því að undirbúa nemendur undir háskólanám í hag- og viðskiptafræði.

Félagsfræðabraut, hagfræðikjörsvið
		námsár
Námsgreinar		1. b.	2. b.	3. b.	4. b.	ein.
1.	Íslenska (15)	4	3	4	4	15
2.	Erlend mál (33)
	Danska	3	3			6
	Enska	4	4	4	3	15
	Þriðja mál (FRA/ÞÝS)		4	4	4	12
3.	Samfélagsgreinar (39)
	Lífsleikni	3				3
	Félagsfræði	3			3	6
	Rekstrarhagfræði		6	3		9
	Þjóðhagfræði			3	6	9
	Saga		4	5		9
	Landafræði	3				3
4.	Náttúrufræðagreinar (9)
	Náttúruvísindi/ Líffræði	3				3
	Náttúruvísindi/ Jarðfræði	3				3
	Náttúruvísindi/ Eðlis- og efnafræði		3			3
5.	Stærðfræði (21)	6	6	4	5	21
6.	Íþróttir (8)	2	2	2	2	8
7.	Kjörsviðsverkefni (3)				3	3
8.	Valgreinar (2 á ári) (12)			6	6	12
	Samtals einingar:	34	35	35	36	140
	*Kjörsviðsverkefni eru á sviði þjóðhagfræði eða rekstrarhagfræði