Einkunnir og lágmarkskröfur í 4. bekk

Próf og einkunnir í 4. bekk

Nemendur í fjórða bekk taka haustannarpróf í desember og vorannarpróf í apríl og maí eins og aðrir nemendur. Á vorannarprófi eru að sjálfsögðu öll próf stúdentspróf. Sérstök námseinkunn er gefin fyrir veturinn og prófað er úr námsefni alls vetrarins. Í aðalgreinum kjörsviða brauta er prófað úr námsefni tveggja til fjögurra ára.

Aðaleinkunn á stúdentsprófi

Á stúdentsprófskírteini eru skráðar í hverri námsgrein námseinkunn, stúdentsprófseinkunn og lokaeinkunn. Lokaeinkunn er jafnt vægi námseinkunnar (50%) og stúdentsprófseinkunnar (50%). Aðaleinkunn er vegið meðaltal lokaeinkunna.

Lágmarkskröfur í 4. bekk

Nemandi telst hafa staðist stúdentspróf ef hann uppfyllir eftirfarandi lágmarks­kröfur:

Stúdentsprófseinkunn í hverri námsgrein                      4,0

Aðaleinkunn                                                           5,0

Nemandi getur þó brautskráðst með tvær stúdents­prófseinkunnir undir 4,0 ef engin einkunn er undir 2,0. Ef þrjár stúdentsprófseinkunnir eru undir 4,0 má hann endurtaka einstök próf. Ef fjórar stúdentsprófseinkunnir eru undir 4,0 er nemanda ekki heimilt að endurtaka próf og telst því fallinn.