Franska 4

FRA 4M5

Franska 4

(Samsvarar FRA 503 og FRA 703 (að hluta) í Aðalnámskrá)

   Námslýsing

Kennslustundir fara fram í enn meira mæli en áður á frönsku. Það hvetur til meiri þátttöku nemenda og eykur skilning á talmáli. Horft er á kvikmyndir og fréttir úr sjónvarpi og eyrað þjálfað enn frekar með hlustunaræfingum heima. Hlýtt er á hljóðritun bókmenntaefnis. Auk þess eru lesskilningsæfingar, fjölvalsspurningar, glósugerð og stafsetningaræfingar eftir upplestri, þ.e. „dictées“.

   Markmið

Nemendur

-    auki færni sína í málinu með lestri franskra bókmennta, t.d. samtímasmásagna og skáldsagna

-    geti hraðlesið sumt efni, skoðað annað vandlega og rökrætt í tímum

-    geti notað málið óhikað í efnislegri umfjöllun og í nýju samhengi

-    geti samið örsögu, útbúið landkynningarefni eða þemaverkefni um bókmenntir og listamenn

-    temji sér sjálfstæð vinnubrögð

-    rifji upp málfræði fyrri áfanga og læri nýjar tíðir sem fram koma við lestur dagblaða og bókmennta

-    auki víðsýni sína í menningarsögulegu tilliti og leiti í smiðju frönskumælandi þjóða utan Frakklands, t.d. Kanada, Cayenne, Belgíu, Sviss, karabísku eyjanna eða Senegal

   Námsmat

Stúdentspróf er bæði munnlegt og skriflegt. Námseinkunn byggist á haustannarprófi og skyndiprófum, verkefnum, prófum í munnlegri færni og hlustun, ástundun og virkni í tímum á kennslutíma.