Franska

Franska er töluð af um 170 milljónum manna í öllum heimsálfum. Stærstu málsvæðin eru í Evrópu, þ.e. í Frakklandi, Belgíu, Lúxemborg og Sviss, með um 67 milljónir frönskumælandi íbúa, og í Kanada þar sem franska er opinbert mál ásamt ensku. Áhrifa frönskunnar gætir miklu víðar, enda nota yfir 50 ríki með um 500 milljónir íbúa frönsku sín á milli og í alþjóðlegum samskiptum. Fyrir Íslendinga er franskan stökkpallur inn í fjölbreytilega menningarheima, mikill ávinningur þeim sem vinna í þekkingar- og vísindaiðnaði, veitir sérstöðu í ferðaþjónustu og viðskiptum og getur ráðið úrslitum í starfi fyrir alþjóðlegar stofnanir.