Franska 3

FRA 3O4 / FRA 3M5

Franska 3

(FRA 3O4 samsvarar í Aðalnámskrá FRA 303 (að hluta) og FRA 403; í FRA 3M5 bætist við sem svarar einni einingu úr FRA 503 í Aðalnámskrá)

   Námslýsing

Hvatt er til para- og hópavinnu og að vera ábyrgur fyrir ákveðnu efni fyrir hópinn. Spuni og ímyndunarafl fá að njóta sín í samtölum sem eru rituð og lesin upp. Nemendur tjá sig meira en áður frammi fyrir bekknum, flytja og læra ljóð, fara í hlutverkaleiki, semja stuttar persónulýsingar og svara spurningum úr lesefni. Skáldsaga er að stórum hluta til hraðlesin heima. Einnig æfa nemendur hlustun sjálfstætt. Netið er notað eftir föngum til náms og þjálfunar.

   Markmið

Nemendur

-    öðlist færni í lestri blaða- og tímaritsgreina

-    fái innsýn í franskar bókmenntir með því m.a. að lesa fræga skáldsögu og kanna höfundarferil

-    átti sig á undirstöðuatriðum franskrar málfræði

-    hafi töluverðan málskilning og hæfni til tjáningar og ritunar

-    geti fært rök fyrir skoðunum sínum að vissu marki og tileinkað sér orðasambönd

-    geti náð samhengi í skýrt töluðu máli um kunnugleg efni og aðalatriðum úr samfelldu ritmáli um þekkt efni

-    fræðist um menningar- og viðskiptatengsl Íslands og Frakklands.

   Námsmat

Annareinkunnir byggjast á skriflegu prófi í lesskilningi, ritfærni og málfræðikunnáttu og á einkunnum fyrir skyndipróf, heimaverkefni, ástundun og virkni í tímum. Munnleg færni, framburður og tjáning er könnuð á kennslutíma.

Stúdentspróf er munnlegt og skriflegt. Námseinkunn byggist á haustannarprófi og skyndiprófum, verkefnum, prófum í munnlegri færni og hlustun, ástundun og virkni í tímum á kennslutíma.