Franska 1

FRA 1O4

Franska 1

(Samsvarar FRA 103 og að hluta FRA 203 í Aðalnámskrá)

   Námslýsing

Nemendur æfa fyrst ný hljóð sem ekki eru til í íslensku og nýja hrynjandi og læra að hljóðrita orð. Þeir lesa texta við hæfi og hlusta á þá. Glósugerð er unnin í heimanámi, en orðaforðinn festur í tímum með talæfingum, ritun og hlustun. Margvíslegu ítarefni er dreift, oftast tengt líðandi stundu, og sýndir eru stuttir þættir á myndböndum. Til að vekja áhuga almennt er unnið með klassísk og ný dægurlög.

   Markmið

Nemendur

-    kunni þau atriði sem þarf til fyrstu tjáskipta á frönsku

-    geti talað og skrifað á frönsku um nánasta umhverfi sitt

-    geti bjargað sér á málinu við ákveðnar aðstæður í daglegu lífi

-    kunni orðaforða sem tengist kynningum, persónulegum upplýsingum, staðháttum, tíma og veðri

-    nái góðum framburði strax í byrjun

-    kunni nægilega mikið í málfræði til að geta hafið samræður, spurt og skilið frumatriði

-    kunni skil á útbreiðslu franskrar tungu og menningar í heiminum og mikilvægi hennar í alþjóðlegu samfélagi

   Námsmat

Annareinkunnir byggjast á skriflegu prófi í lesskilningi, ritfærni og málfræðikunnáttu og á einkunnum fyrir skyndipróf, heimaverkefni, ástundun og virkni í tímum. Munnleg færni, framburður og tjáning er könnuð á kennslutíma.