Enska í 4.M

ENS 4M5

Enska í 4. bekk, málabraut

(Samsvarar ENS 503 að hluta og ENS 603 í Aðalnámskrá)

   Námslýsing

Á lokaári er bætt við þá sérþekkingu sem fyrir er, til þess að gera nemendur sem best búna undir frekara nám. Því er enn meiri áhersla lögð á gott málfar og bókmenntarýni og lesnar í þeim tilgangi skáldsögur, smásögur og/eða leikrit og/eða ljóð sem sýnishorn úr verkum nokkurra helstu höfunda enskrar bókmenntasögu. Eitt verka William Shakespeares er tekið til sérstakrar umfjöllunar. Til viðbótar blaða- og tímaritsgreinum um málefni líðandi stundar eru lesnir valdir kaflar um sögu enskrar tungu. Við ritgerðasmíð er stefnt að því að beita fágaðri og markvissri málnotkun.

   Markmið

Nemendur

-    hafi gott vald á töluðu og rituðu máli

-    geti skilið fræðilega texta á háskólastigi

-    kunni skil á helstu þáttum enskrar málsögu

-    geti fjallað um bókmenntatexta, túlkað hann og skýrt með rökum og beitt til þess algengustu hugtökum bókmenntagreiningar

-    geti skrifað vel skipulagt og rökstutt mál og notað fjölbreytilegan orðaforða

   Námsmat

Stúdentspróf eru bæði skrifleg og munnleg. Námseinkunn er gefin fyrir ritgerðir, verkefni, próf og ástundun á báðum önnum.