Enska

Enska hefur verið alþjóðlegt tungumál um áraraðir og verður það líklega áfram um ókomna tíð. Hátt í 400 milljónir manna tala ensku sem móðurmál um heim allan. Hún er því lykilatriði í samskiptum við aðrar þjóðir á öllum sviðum. Nefna má viðskipti, stjórnmál, menningu, ferðaþjónustu og tölvusamskipti.

Góð enskukunnátta er forsenda náms eftir framhaldsskóla, bæði erlendis og hér heima. Í MS er því lögð sérstök áhersla á ensku við undirbúning nemenda fyrir háskólanám. Það er gert með því að bjóða upp á sérhæft enskunám á öllum námsbrautum.