Enska í 3.F

ENS 3F4

Enska í 3. bekk, félagsfræðabraut                                                                                               

(Samsvarar ENS 303 (að hluta) og ENS 403 í Aðalnámskrá)

   Námslýsing

Lögð er áhersla á aukna sérþekkingu. Auk fjölbreytilegs almenns lesefnis er því aukið við sérhæfða texta, sem eru vandlega lesnir. Skriflegt mál er tekið fyrir, þar sem rökstuðningur og skipulag er sérstaklega æft. Auk þess eru unnar margvíslegar æfingar á öllum færnisviðum. Hvatt er til sjálfstæðra vinnubragða með nýtingu hjálpargagna, svo sem orðabóka, Netsins og annarra heimilda. Þá eru skáldsögur og/eða smásögur og/eða leikrit lesin til að auka víðsýni og almennan skilning. Á þennan hátt er leitast við að styrkja sérþekkingu og lesskilning nemenda og efla virkan, hagnýtan og sérhæfðan orðaforða.   

   Markmið

Nemendur

-    skilji talað mál og texta á fræðasviði brautarinnar

-    geti tjáð sig og rökrætt munnlega um fræði sín

-    geti skrifað vel skipulagt og rökstutt mál og notað til þess orðaforða á sínu sérsviði

-    geti aflað sér tiltekinna upplýsinga og gert útdrátt úr texta

-    geti nýtt sér hjálpargögn, svo sem orðabækur og netið

-    geti gert greinarmun á formlegu og óformlegu málfari

   Námsmat

Haust og vorannarpróf eru skrifleg. Auk þess eru gefnar einkunnir fyrir próf úr skáldverkum, ritunarverkefni, skil verkefna og almenna ástundun á kennslutíma.