Enska í 3.M

ENS 3M4

Enska í 3. bekk, málabraut

(Samsvarar ENS 403 og ENS 503 (1 ein.) í Aðalnámskrá)

   Námslýsing

Sérstök áhersla er lögð á gott málfar og bókmenntarýni. Til þess eru lesnar skáldsögur, smásögur og/eða leikrit og/eða ljóð til munnlegrar og skriflegrar umfjöllunar. Ennfremur er vandlega farið í fjölbreytilegt almennt lesefni. Unnar eru margvíslegar æfingar á öllum færnisviðum. Lögð er áhersla á nýtingu hjálpargagna, svo sem orðabóka, Netsins og annarra heimilda. Skriflegt mál er tekið fyrir, þar sem rökstuðningur, framsetning og skipulag er sérstaklega æft.

   Markmið

Nemendur

-    geti skilið talað mál og fjölbreytta texta, bæði fræðitexta og bókmenntir

-    geti tjáð sig og rökrætt mál munnlega

-    geti skrifað skipulagt og rökstutt mál

-    séu það vel kunnugir grunnhugtökum bókmenntarýni að þeim séu þau töm við umfjöllun skáldverka

-    geti gert greinarmun á formlegu og óformlegu máli

-    geti nýtt sér hjálpargögn, svo sem orðabækur, Netið og aðrar heimildir

   Námsmat

Haust- og vorannarpróf eru skrifleg og munnleg. Hluti einkunna er fyrir próf úr skáldverkum, ritunarverkefni, skil verkefna og almenna ástundun á kennslutíma.