Enska í 2.M
ENS 2M5
Enska í 2. bekk, málabraut
(Samsvarar ENS 212 og ENS 303 í Aðalnámskrá)
Námslýsing
Auk fjölbreytilegs almenns lesefnis eru sérhæfðir textar vandlega lesnir. Unnar eru margvíslegar æfingar á öllum færnisviðum. Skáldsögur og/eða smásögur eru lesnar til munnlegrar og /eða skriflegrar umfjöllunar. Ennfremur er unnið með undirstöðuatriði enskrar málfræði. Lögð er áhersla á notkun hjálpargagna, svo sem orðabóka, Netsins og annarra heimilda. Á þennan hátt er leitast við að styrkja lesskilning nemenda og efla virkan, hagnýtan og sérhæfðan orðaforða.
Markmið
Nemendur
- geti tjáð sig um almenn efni í ræðu og riti
- geti lesið ýmiss konar fræðitexta, blaða- og tímaritsgreinar um margvísleg efni
- þekki grunnhugtök bókmenntarýni
- geti lesið og krufið skáldverk
- geti nýtt sér bókmenntahugtök við umfjöllun um skáldverk
- geti fjallað um skáldverk bæði munnlega og skriflega
- geti aflað sér upplýsinga og unnið ýmiss konar verkefni úr texta
- geti nýtt sér hjálpargögn, svo sem orðabækur og Netið
- hafi vald á undirstöðuatriðum enskrar málfræði
- geti gert greinarmun á formlegu og óformlegu málfari
- geti skrifað skipulagt og rökstutt mál og notað orðaforða úr námsefninu á viðeigandi hátt
Námsmat
Haust- og vorannarpróf eru munnleg og skrifleg. Auk þess er hluti einkunna fyrir ritunarverkefni, próf úr skáldsögum, skil á verkefnum og almenna ástundun.
|