Danska

Dönskukunnátta er lykill að Norðurlöndum fyrir Íslendinga. Þeir sem hafa lært dönsku eiga tiltölulega auðvelt með að skilja sænsku og norsku og hafa samskipti við aðra Norðurlandabúa. Á hverju ári sækja margir unglingar í sumarstörf annars staðar á Norðurlöndum og fjölmargir flytjast til annarra norrænna landa til náms eða í atvinnuleit. Kunnátta í tungumálinu er forsenda þess að það sé hægt og skiptir æ meira máli þegar velja skal milli umsækjenda í störf.