Franska 2

FRA 2O4

Franska 2

(Samsvarar að hluta FRA 203 og FRA 303 í Aðalnámskrá)

Námslýsing

Orðaforði er markvisst byggður upp með lestri, ritun, glósugerð, hlustun og aukinni áherslu á talþjálfun.  Við talþjálfun er beitt þannig aðferðum að franskan verði nemendum töm. Flestar æfingar í tímum eru unnar í pörum eða hópum. Þar sem við á er farið í leiki og hlustað á tónlist eða talað mál. Ítarefni er tengt áhugasviði nemenda og/eða frönsku þjóðlífi.

Markmið

Nemendur

-    skilji frönsku við daglegar aðstæður, á ferðalögum, opinberum stöðum og í atvinnulífi

-     geti tjáð hug sinn, lýst aðstæðum og fólki og aflað sér fróðleiks með lestri nemendablaða, bóka eða efnis á Netinu

-    geti talað um franska matarmenningu, kvikmyndir og árlega viðburði af nokkurri þekkingu

-    kunni að beita mismunandi lestraraðferðum, t.d. hraðlestri og leitarlestri

-    geti notað hjálpargögn svo sem sagnauppflettibók og orðabækur

Námsmat

Annareinkunnir byggjast á skriflegu prófi í lesskilningi, ritfærni og málfræðikunnáttu og á einkunnum fyrir skyndipróf, heimaverkefni, ástundun og virkni í tímum. Munnleg færni, framburður og tjáning er könnuð á kennslutíma.