Regnbogaskúlptúr Ársólar á Barnamenningarhátíð

Á morgun kl. 9:15 mun MS taka þátt í viðburði á Barnamenningarhátíð. Þá skapa nemendur ungbarnaleikskólans Ársólar við Sólheima útilistaverk sem er kallað Regnbogaskúlptúr. Hugmyndin er innblásin úr verkum Holton Rower, sem er Graffiti listamaður, sem lætur málningu leka niður eftir trapisum í ýmsum stærðum og gerðum, eins og sjá má í myndbandinu hér á eftir. Ungabörnin koma sem sagt til með að fá plastglös með málningu og hella með hjálp foreldra sinna og kennara málningunni niður eftir turninum. Sjá myndband: https://www.youtube.com/watch?v=d6egUsZvWu4
 
Nemendur úr Vogaskóla (valáfangi í smíði í 9. og 10. bekk) tóku þátt í að byggja turninn og Sigurjón Hilmarsson nemandi í 3. D MS mun kvikmynda verkið eða gjörninginn á morgun, miðvikudaginn 24. apríl kl. 9:15 til 10:15.  

Eldri fréttir