Styrkir úr Afreks- og hvatningarsjóði Háskóla Íslands 2016

Í júní verður úthlutað í níunda sinn styrkjum úr Afreks- og hvatningarsjóði Háskóla Íslands til framhaldsskólanema sem ná afburðaárangri á stúdentsprófi og innritast í Háskóla Íslands. Frá upphafi hafa 165 nýnemar við Háskólann hlotið styrki úr sjóðnum. Um er að ræða styrki að fjárhæð 300.000 kr. hver, auk þess sem styrkþegar fá skrásetningargjöld endurgreidd. Annað árið í röð eru þrír styrkir sérstaklega ætlaðir nemum sem hyggja á kennaranám eða annað nám í menntavísindum. Þá er stjórn sjóðsins heimilt að veita allt að þrjá styrki til nýnema sem sýnt hafa fram á sérstakar framfarir í námi sínu eða náð góðum námsárangri þrátt fyrir erfiðar aðstæður.
Umsóknarfrestur um nám við Háskóla Íslands sem og um styrki úr Afreks- og hvatningarsjóði er til 5. júní nk.

Frekari upplýsingar um sjóðinn er að finna hér.

Eldri fréttir