Vel heppnaðir tónleikar Sankt Annæ Pigekor

Stúlknakór Sankt Annæ Gymnasium í Kaupmannahöfn er í heimsókn hér á landi. Kórinn er einn þriggja kóra við þennan fræga söngskóla og hafa verið gefnir út margir geisladiskar með kórnum. Aðrir kórar við þennan skóla eru Københavns Drengekor og Sankt Annæ Gymnasiekor sem er einn af stærstu kórum í Evrópu.

Stúlknakórinn hélt tónleika hér í skólanum í hádeginu við mikinn fögnuð hlustenda. Á dagskránni voru ýmis þjóðleg lög eftir sænska og danska höfunda en einnig léttari lög eftir danska eurovision þátttakendur. Aðalstjórnandi kórsins er Claus Vestergaard lektor við Sankt Annæ Gymnasium og kórstjórnandi við Frederiksborg Slotskirke auk þess að vera stjórnandi Frederiksborg Kammerkórsins.

Kórinn mun næst halda tónleika á Akureyri.

Eldri fréttir