Fundur með foreldrum og forráðamönnum nýnema

Næsta þriðjudag, 11. september, er boðað til fundar með foreldrum og forráðamönnum nýnema  í Menntaskólanum við Sund. Fundurinn hefst kl. 19:45 og er áætlað að hann standi í tvær klukkustundir.

Tilgangur fundarins er að skapa góð tengsl við foreldra og forráðamenn nýnema, að kynna skólann og starfsemi hans í vetur og svara fyrirspurnum. 

Sameiginleg dagskrá verður undir stjórn Höllu Kjartansdóttur, kennslustjóra. Dagskráin hefst á ávarpi Hjördísar Þorgeirsdóttur, rektors og þar taka einnig til máls Sigurrós Erlingsdóttir, konrektor, Sigríður Jónsdóttir, formaður foreldraráðs MS og Andri Steinn Hilmarsson, ármaður skólafélags MS. Að erindum loknum munu umsjónarkennarar bekkja stýra fundum í einstökum bekkjum og þangað koma náms- og starfsráðgjafar og kynna námsráðgjöf við skólann.

Eldri fréttir