Samstarf við Vogaskóla á degi stærðfræðinnar

Dagur stærðfræðinnar er í dag. Af því tilefni undirbjuggu Vogaskóli og Menntaskólinn við Sund samstarfsverkefni nemenda og komu áttundu bekkingar úr Vogaskóla hingað í MS í morgun. Nemendur í 2. S og hluti nemenda í 1. E tóku á móti Vogaskólakrökkum. Skipt var í hópa og voru ýmist einn eða tveir MS-ingar með tveimur nemendum úr Vogaskóla í hverjum hópi. Krakkarnir unnu hugarkort um almenn brot, bókstafareikning, tölfræði, prósentureikning eða flatarmál og stærðfræðikennarar þeirra aðstoðuðu eftir þörfum. Í lokin völdu kennarar þrjú bestu hugarkortin og veittu verðlaun fyrir.

Eldri fréttir