Evrópski tungumáladagurinn

Samstarf Vogaskóla og Menntaskólans í tilefni tungumáladagsins tókst með ágætum. Sex erlend tungumál hljómuðu allt um kring í stofum yngsta stigs Vogaskóla þegar máladeildarnemendur í MS kenndu 5-8 ára gömlum börnum í Vogaskóla að telja, nefna liti og kynna sig á 6 tungumálum. Máladeildarnemendur á 3. og 4. ári í MS höfðu undirbúið sig vandlega til að kynna Evrópsk mál í Vogaskóla og var þeim tekið mjög vel af jákvæðum og námsfúsum nemendum Vogaskóla. Tveir til fjórir MS-ingar og sex til sjö nemendur í Vogaskóla unnu saman í 10 mínútur í senn með hvert tungumál og var gaman að hlusta á krakkana æfa sig á ensku, spænsku, þýsku, frönsku, ítölsku og rússnesku.

Eldri fréttir