Sjálfsmatsskýrsla MS fyrir árið 2008

Skýrsla skólans um sjálfsmat árið 2008 er komin á vefinn. Um sjálfsmat skólans segir m.a. svo í úttekt sem Menntamálaráðuneytið lét gera á aðferðum skólans:

Sjálfsmat er hluti af lögbundinni starfsemi framhaldsskóla og kveðið er á um það í skólasamningi menntamálaráðuneytis við Menntaskólann við Sund (MS). Í upphafi hvers skólaárs birtir MS sjálfsmatsáætlun, sem er byggð á skólanámskrá og sjálfsmatsstefnu skólans. Sjálfsmat er tengt launasetningu kennara við MS samkvæmt reglum sem samstarfsnefnd MS og KÍ setja. Haustið 2008 lét menntamálaráðuneytið gera úttekt á sjálfsmatsaðferðum skólans. Niðurstaðan er sú að aðferðirnar eru fullnægjandi og í greinargerð úttektarhópsins segir:

Sjálfsmatið tekur til allra helstu þátta í skólastarfinu og í stuttu máli má segja að staða sjálfsmats við skólann sé fullnægjandi og í mjög góðum farvegi. Vel er staðið að undirbúningi, markmiðssetningu, úrvinnslu og nýtingu á niðurstöðum. Sjálfsmatsskýrsla hefur verið gefin út og er opinber á heimasíðu skólans. Athygli vöktu öflugar starfendarannsóknir við skólann. (Unnar Hermannsson, Ásrún Matthíasdóttir og Þröstur Ólafur Sigurjónsson: Úttekt á sjálfsmatsaðferðum í Menntaskólanum við Sund á haustmisseri 2008.

[lesa skýrslu um sjálfsmat í MS 2008]

Eldri fréttir