MS fær styrk frá Menntamálaráðuneytinu

Menntaskólinn við Sund fékk úthlutað 500 þúsund króna styrk frá Menntamálaráðuneytinu til verkefnisins: Sjálfsmat skóla, rannsókn á eigin starfi sem er í umsjá konrektors, Hjördísar Þorgeirsdóttur. Um er að ræða áframhald á verkefni sem hófst haustið 2005 þá undir leiðsögn Hafþórs Guðjónssonar frá Kennaraháskóla Íslands. Tilgangur verkefnisins er að veita kennurum og stjórnendum tækifæri til að bæta sig í starfi og þróa kennslu- og stjórnunarhætti sína með því að gera starfendarannsókn, ígrunda starf sitt og fara í jafningjamat. Helstu markmiðin voru að efla kennara og stjórnendur í starfi, styrkja og þróa sjálfsmat í MS, bæta skólastarf, gera nám nemenda skilvirkara og innihaldsríkara og bæta námsárangur nemenda.

Meira er um verkefnið á vef skólans [lesa]

Eldri fréttir