Íþróttaaðstöðu Menntaskólans við Sund lokað að kröfu Umhverfissviðs Reykjavíkurborgar

Íþróttaaðstöðu Menntaskólans við Sund var lokað að kröfu Umhverfissviðs Reykjavíkurborgar með bréfi dagsettu 11. desember. Krafa um lokun var sett fram í bréfi til skólans án þess að áður hafi verið gerðar athugasemdir við aðbúnað í íþróttasal. Yfirvöld skólans höfðu ekki hugmynd um að úttekt hafi farið fram þar sem engin tilkynning þar um hafði borist.  Skólanum var ekki gefinn  kostur á að koma með athugasemdir við úttektina né að bregðast við ábendingum áður en lokun var tilkynnt. Salurinn verður því lokaður á meðan unnið er eftir þeim leiðum sem stjórnsýslan gerir ráð fyrir til að fá ákvörðun Umhverfissviðs Reykjavíkurborgar hnekkt. Menntaskólinn við Sund biður notendur salarins velvirðingar á þeim óþægindum sem þessi dæmalausa stjórnsýsluákvörðun veldur. 

Eldri fréttir