Lok haustannar 2005

Haustönn 2005 er lokið. Eftir athöfn á sal sem kennslustjóri skólans, Sigurrós Erlingsdóttir, stýrði fengu nemendur afhentar einkunnir sínar hjá umsjónarkennurum auk þess sem þeim bauðst að skoða prófúrlausnir sínar í einstökum námsgreinum.

Í ræðu rektors á sal skólans kom fram að skólastarfið hafi að mestu gengið vel á haustönninni. Góður andi sé í skólanum en nokkur misbrestur sé á því að allir nemendur skólans virði skólareglur þegar kemur að dansleikjum á vegum skólans. Á því hafi verið tekið en engu að síður þurfi breytingar að verða þar á svo eðlilegt félagslíf geti blómstað áfram í skólanum.

Alls voru Á haustönn 2005 fengu 133 nemendur 10 í mætingareinkunn (98-100% mæting) en af þeim fengu síðan 20 þeirra sérstaka viðurkenningu frá skólanum fyrir afar góða ástundun þ.e. allir nemendur sem voru með 100% mætingu eða 4 eða færri fjarvistarstig, engin leyfi og engin veikindi skráð á önninni. Námsárangur á haustönn er svipaður og verið hefur. Þó svo að alltaf séu einhverjir sem ekki ná tilskyldum árangri eru flestir nemendur skólans að standa sig afar vel. Á haustönn 2005 voru alls 8 nemendur sem fengu 9 eða hærra í aðaleinkunn sem er frábær námsárangur hjá þeim. Hæstu aðlaeinkunn á haustönn 2005 fékk Egill Tómasson, 9,6. Í ræðu rektors kom fram að fjölmargir nemendur eru að standa sig mjög vel og það sé ánægjulegt að sjá nemendur ná markmiðum sínum í lok strembinnar vinnulotu.

Eldri fréttir