Gettu betur

Menntaskólinn við Sund og Framhaldsskólinn að Laugum mætast í 8 liða úrslitum í spurningakeppni framhaldsskólanna Gettu betur miðvikudaginn 9. febrúar kl. 20:00. Keppnin fer fram í Hálogalandi, íþróttasal Menntaskólans við Sund. Sjónvarpið sýnir keppnina í beinni útsendingu RÚV. Gestir, vinsamlegast mætið í Hálogaland kl. 19:00.

Lið Menntaskólans við Sund skipa Ari Gunnar Þorsteinsson 1. E, Héðinn Árnason 3. R og Þorkell Gunnar Sigurbjörnsson 3. D.

Spyrill er Logi Bergmann Eiðsson, spurningahöfundur og dómari er Stefán Pálsson og Andrés Indriðason annast dagskrárgerð og stjórnar útsendingu.

Áður er lokið undankeppni á Rás 2 með þátttöku keppnisliða frá 28 framhaldsskólum. Auk Menntaskólans við Sund og Framhaldsskólans að Laugum keppa Borgarholtsskóli, Menntaskólinn á Akureyri, Menntaskólinn á Egilsstöðum, Menntaskólinn í Kópavogi, Menntaskólinn við Hamrahlíð og Verzlunarskóli Íslands í átta liða úrslitum Gettu betur. 

Eldri fréttir