Bókasafn og upplýsingamiðstöð

Samkvæmt 4. grein laga nr. 71/2010 um breytingu á lögum nr. 92/2008 um framhaldsskóla er hlutverk bókasafna í framhaldsskólum að vera upplýsingamiðstöð fyrir nemendur og kennara.

Í starfsemi skólasafns skal leggja áherslu á að þjálfa nemendur í sjálfstæðri upplýsingaleit og notkun gagnabanka.

Bókasafn og upplýsingamiðstöð MS þjónar nemendum, kennurum og öðru starfsfólki skólans. Á safn­inu er efni sem tengist kennslu og annarri starfsemi í skólanum. Það er stefna safnsins að gögn þess nýtist sem best í skólastarfinu. Vandaður undirbúningur vegna verkefna­vinnu og að nemendur virði reglur safnsins eru lykil­atriði varðandi góða nýtingu safn­kosts og góða þjónustu við nemendur.

Notendur utan skólans hafa einungis lágmarksaðgang að gögnum safnsins (eða skv. nánara samkomulagi), þ.e. að safnið lætur í té aðstöðu fyrir utanaðkomandi aðila til að vinna með gögnin á staðnum og/eða að hægt er að fá viðkomandi gögn í millisafnaláni.

Lesaðstaða er fyrir um 40 nemendur í senn, nokkur sæti eru við að skoða nýjar bækur og ný tímarit og vinnuaðstaða er við sex tölvur.

Forstöðumaður safnsins er: Þórdís T. Þórarinsdóttir, MLS, (thordis hjá msund.is).

Starfsmenn veita alhliða bókasafns- og upplýsingaþjónustu, s.s. aðstoð við heimildaleitir. Ennfremur ráðgjöf við frágang heimildalista. Bóka má tíma hjá bókasafns- og upplýsingafræðingi með því að senda tölvupóst hér.

©Þórdís T. Þórarinsdóttir