Eðlisfræðikjörsvið

Á eðlisfræðikjörsviði er megináhersla lögð á stærðfræði og eðlisfræði. Nám á kjörsviðinu hentar einkar vel nemendum, sem hyggja á námi í verkfræði, eðlisfræði, stærðfræði og skyldum greinum, en engu að síður öðlast nemendur þar mikla leikni við fjölbreytt viðfangsefni, sem eru grunnur að flestum öðrum námsgreinum í háskólum.

Í þriðja bekk eru helstu viðfangsefni í stærðfræði föll og deilanleiki þeirra, heildun og flatarmál; einnig er lögð enn frekari áhersla á hornaföll, vísis- og lograföll, flatarmyndafræði, runur og raðir.

Í fjórða bekk er meginviðfangsefnið stærðfræðigreining, deildarjöfnur og tvinntölur, svo að fátt eitt sé nefnt.

Í eðlisfræði miðar námið að kunnáttu á fyrirbærum og lögmálum, sem eru á vettvangi eðlisfræðinnar og að þjálfun í skipulegum vinnubrögðum og stærðfræðilegri úrvinnslu þeirra svo og í vinnubrögðum, sem einkenna eðlisfræðilegar rannsóknir. Í öðrum bekk kynnast nemendur aflfræði, rafmagnsfræði, varmafræði og ljósfræði, í þriðja bekk er einkum fengist við aflfræði og í fjórða bekk við rafsegulsfræði, kjarneðlisfræði, skammtafræði og afstæðiskenningu.

Náttúrufræðibraut, eðlisfræðikjörsvið
		námsár
Námsgreinar		1. b.	2. b.	3. b.	4. b.	ein.
1.	Íslenska (15)	4	3	4	4	15
2.	Erlend mál (28)
	Danska	3	3			6
	Enska	4	3	3		10
	Þriðja mál (FRA/ÞÝS)		4	4	4	12
3.	Samfélagsgreinar (12)
	Lífsleikni	3				3
	Félagsfræði	3				3
	Saga		3	3		6
4.	Náttúrufræðagreinar (35)
	Eðlisfræði		6	4	5	15
	Efnafræði	4	4			8
	Jarðfræði	6				6
	Líffræði			6		6
5.	Stærðfræði (27)	6	6	7	8	27
6.	Íþróttir (8)	2	2	2	2	8
7.	Kjörsviðsverkefni (3)				3	3
8.	Valgreinar (2 á ári) (12)			6	6	12
	Samtals einingar:	35	34	39	32	140
	*Kjörsviðsverkefni er á sviði stjarneðlisfræði