Líffræðikjörsvið

Líffræðikjörsvið er eitt þriggja kjörsviða á náttúrufræðibraut. Megináherzla er þar lögð á að kynna nemendum frumatriði og grundvallarhugtök í líffræði eins og gerð og störf frumu, líf, lífveru, tegund og flokkunarfræði. Síðan er farið í helztu undirstöðugreinir innan fræðigreinarinnar eins og erfðafræði, vistfræði, dýrafræði, grasafræði. Í fjórða bekk er veruleg áherzla lögð á lífeðlisfræði og lífefnafræði, bæði gerð lífefnanna sykra, lípíða, prótína og kjarnsýrna, svo og efnaskiptaferli eins og frumuöndun og tillífun.

Í þriðja bekk eru tveir verklegir tímar hálfsmánaðarlega í líffræði en vikulega í fjórða bekk. Þar gera nemendur einfaldar tilraunir og færa gang tilraunar og niðurstöður í sérstaka vinnubók. Einnig fást nemendur við að leysa margvísleg verkefni.

Á kjörsviðinu eru stærðfræði, eðlisfræði og efnafræði einnig mjög mikilvægar námsgreinir enda aðal hjálpargreinir líffræðinnar.

Nám á líffræðikjörsviði veitir mjög breiða og almenna þekkingu og er því góður undirbúningur fyrir flestallar námsgreinir í háskóla. Á hinn bóginn er einkum tekið mið að því, að nemendur, sem hyggja á nám í líffræði, eins og dýrafræði, grasafræði, læknisfræði, lífefna- og lífeðlisfræði, meinatækni auk fjölmargra annarra greina, hljóti þar trausta og haldgóða undirstöðumenntun.

Náttúrufræðibraut, líffræðikjörsvið
		námsár
Námsgreinar		1. b.	2. b.	3. b.	4. b.	ein.
1.	Íslenska (15)	4	3	4	4	15
2.	Erlend mál (28)
	Danska	3	3			6
	Enska	4	3	3		10
	Þriðja mál (FRA/ÞÝS)		4	4	4	12
3.	Samfélagsgreinar (12)
	Lífsleikni	3				3
	Félagsfræði	3				3
	Saga		3	3		6
4.	Náttúrufræðagreinar (40)
	Eðlisfræði		5	4		9
	Efnafræði	4	6		2	12
	Jarðfræði	6				6
	Líffræði			6	7	13
5.	Stærðfræði (22)	6	6	5	5	22
6.	Íþróttir (8)	2	2	2	2	8
7.	Kjörsviðsverkefni (3)				3	3
8.	Valgreinar (2 á ári) (12)			6	6	12
	Samtals einingar:	35	35	37	33	140
	*Kjörsviðsverkefni eru á sviði líffræði eða efnafræði.