Saga í 2. bekk náttúrufræðabrautar

    SAG 1N3

       Saga í 2. bekk, náttúrufræðibraut

       (Samsvarar SAG 103 í Aðalnámskrá.)

       Námslýsing

       Viðfangsefnið er saga mannkyns frá upphafi vega og fram um 1800 og  

       saga Íslands frá landnámi til sama tíma. Einkum verður lögð áhersla á 

       eftirfarandi efnisflokka.

       Fornöld í nútímanum. Leitast við að draga fram þá þætti úr arfi fornaldar, 

       sem sett hafa mark sitt á síðari tíma.

       Menningarheimar á miðöldum. Lögð áhersla á að bera saman kristindóm

       og íslam, tengsl þeirra og árekstra í tímans rás. Fjallað um íslenskt

       miðaldasamfélag í samanburði við önnur samfélög í Evrópu.

       Ný heimsmynd. Einkum er gefinn gaumur að viðhorfsbreytingum í

       andlegum efnum, eins og þær birtast í endurreisnar- og

       siðskiptahreyfingunum, og að landkönnun og landafundum Evrópuþjóða

       og þróun náttúruvísinda.

       Ríki og þegnar. Fjallað um þróun ríkisvalds og stjórnarfars í Evrópu á

       öndverðri nýöld, og um sambúð ríkja í álfunni. Staða Íslands í þessu

       samhengi athuguð sérstaklega.

       Upplýsingin. Leitast við að greina grunnhugmyndir helstu frömuða 

       upplýsingarinnar, einkum um stjórnmál, uppeldi og fræðslu og áhrif þeirra.

       Hugað að aðgerðum í anda upplýsingarinnar hér á landi.

       Kennsluaðferðir

Í      Í fyrirlestrum draga kennarar upp meginþróunarlínur og setja einstök atriði

       í stærra samhengi. Nemendur vinna að einstaklings- og hópverkefnum.   

       Myndefni af ýmsu tagi verður nýtt eftir því sem föng eru á. Nemendur

       þjálfast í rökræðum um söguleg viðfangsefni í umræðutímum og

       fyrirlestrum.

       Námsmat

       Annareinkunnir byggjast annars vegar á prófi í lok anna og hins vegar á

       vinnueinkunn fyrir verkefnavinnu og aðra þætti námsins á hvorri önn.