Skólasóknarreglur í nýrri námskrá og nýju kerfi

Fjarvist úr einni kennslustund jafngildir einu fjarvistastigi. Uppgjör skólasóknar fer fram 2-3 á önn. Nemendur byrja með 100% mætingu í upphafi hverrar annar. Mæting undir 85% telst agabrot. Agabrot getur haft áhrif á framhald náms.

Það sem agabrotið hefur í för með sér:

Nemandi sem er undir 85% í lok annar telst hafa brotið skólareglur. Nemandinn fær aðeins að taka hluta náms, tvo áfanga, á 2. önn og þar með sveigjanleika og tækifæri til að bæta mætingu sína. Mæti nemandi yfir 85% á 2. önn fær hann að taka fullt nám á 3. önn. Mæti hann undir 85% á önninni verður hann áfram í tveimur áföngum á önn.

Raunmæting tekur ekki tillit til vottorða og leyfa, nema um sé að ræða leyfi vegna námsferða sem skólinn skipuleggur. Raunmæting gildir að lágmarki 10 prósentustig í hverri grein.

Mæting verður skráð fyrir hverja 40 mínútna kennslustund.

Mætingarhlutfall nemenda verður birt á einkunnablöðum sem heildarmæting í skólann á önninni.

Skráning mætingar í Innu er eftirfarandi:

·         M: Nemandi mættur þegar manntal er tekið

·         O: Nemandi sinnir námi/ skólastarfi utan kennslustofu

·         F: Fjarvist, nemandi er ekki mættur þegar manntal er tekið

·         X: Tími er ekki haldinn

·         U: Annað, nemandi er fjarverandi vegna sérstakra aðstæðna í samráði við skólann

Í samræmi við Aðalnámskrá framhaldsskóla geta nemendur sótt sérstaklega um undanþágu frá skólasóknarreglum:

·         Vegna langvarandi veikinda. Skólinn býður upp á sérstök úrræði fyrir langveika nemendur, liggi fyrir formleg vottun frá viðkomandi sérfræðingi.

·         Afreksfólk getur sótt um sérstakt tímabundið frávik frá mætingarreglum. Vottun frá viðkomandi fagaðila þarf að liggja fyrir í samræmi við grein 16.2 í Aðalnámskrá framhaldsskóla.

Umbun fyrir afburða mætingu

Mæting er frábær ef hún fer ekki undir 98% á neinni önn á skólaárinu og viðkomandi nemendur hafa hvorki fengið frádregnar samtals á skólaárinu fleiri en 10 kennslustundir vegna veikinda né fleiri en 5 kennslustundir í leyfi. Nemendur sem uppfylla þessi skilyrði fá sérstaka viðurkenningu frá skólanum og endurgreiðslu á innritunargjaldi.