Umhverfisfræði 3.N(u)

UMH 1U4

 Umhverfisfræði í 3. bekk, náttúrufræðibraut, umhverfiskjörsviði

(Samsvarar í Aðalnámskrá að hluta JAR 203 (jarðsagan og landrekið) og JAR 213 (veður- og haffræði). Auk þess er fjallað um náttúruhamfarir)

  Námslýsing

Kynntar eru kenningar um uppruna og þróun jarðar. Farið gegnum tímabil jarðsögunnar og fjallað um þær breytingar sem yfirborð jarðar hefur tekið, meðal annars með tilliti til flekareks og loftslagsbreytinga. Þá verður rakin þróun lífríkisins og kynntar kenningar um útdauða lífvera og tekin einstök dæmi í tengslum við umfjöllun um loftslags-breytingar. Farið sérstaklega í jarðsögu Íslands. Þá er sérstök áhersla lögð á náttúruhamfarir, flokkun þeirra, orsakir og afleiðingar, einkum með tilliti til jarð-, veður- og haffræði.

  Markmið

Nemendur

-    geti gert grein fyrir kenningum um uppruna og aldur jarðar
-    geti sagt frá einkennum hverrar aldar jarðsögunnar
-    geti fjallað um þróun lífríkis út frá völdum dæmum um þróun einstakra hópa lífvera
-    geti skýrt myndun mismunandi jarðlaga og tengt við ástand umhverfis á myndunartíma þeirra
-    þekki til veðurtengdra hamfara og hamfara vegna eldgosa og jarðskjálfta
-    gerir sér grein fyrir því hvað búseta á Íslandi og sambýlið við náttúruöflin þýðir
-    þekki til vöktunar eldstöðva og spáa um eldgos og jarðskjálfta.

  Námsmat 

Annareinkunnir byggjast á prófum í annalok og vinnueinkunnum fyrir verkefni og ástundun á hvorri önn.