Þýska 2

ÞÝS 2O4

(Samsvarar að hluta ÞÝS 203 og ÞÝS 303 í Aðalnámskrá)

   Námslýsing

Orðaforði og málfræðiatriði, sem nemendur hafa tileinkað sér er rifjaður upp. Síðan er bætt ofan á þann grunn. Ein til tvær léttlestrarbækur eru lesnar, þar sem stuðst er við glósur og orðabækur. Lögð er áhersla á hópvinnu nemenda í tímum. Skipuleg vinna í tölvustofum heldur áfram.

   Markmið: 

• Nemendur geti skilið öll fyrirmæli kennarans í kennslustofunni
• skilji daglegt talmál með almennum grunnorðaforða
• geti af nokkru öryggi í einföldum setningum tjáð sig munnlega um skoðanir sínar og þau málefni sem fjallað hefur verið um
• beiti málfræðireglum rétt
• geti lesið nokkuð langa texta sjálfstætt og greint aðalatriði þeirra
• geti skrifað útdrátt úr lesnum sögum og persónuleg bréf og lýst myndum skriflega
• geti nýtt sér orðabækur

   Námsmat

Annareinkunnir byggjast á skriflegum prófum og einkunnum fyrir skil á verkefnum og aðra almenna ástundun á kennslutíma.