Spænska í 4.M

SPÆ 3O4

Spænska í 4. bekk, málabraut

(Samsvarar SPÆ 303 (að hluta) og SPÆ 403 í Aðalnámskrá)

   Námslýsing

Nemendur þjálfast í að segja frá atburðum í þátíð eða framtíð og að endursegja nokkuð langa texta. Þeir lesa bókmenntir og nytjatexta og vinna m.a. að þýðingum og endursögnum úr þeim. Mikil áhersla er lögð á munnlega tjáningu og að tileinka sér orðaforða með notkun orðabóka, m.a. spænsk-spænskra.

Þjálfuð er notkun viðtengingarháttar nútíðar og þátíðar og skildagatíðar. Fjallað um orðasambönd, sem geta tekið með sér viðtengingarhátt og/eða framsöguhátt. Þjálfuð rétt notkun þátíða í beinni ræðu og óbeinni. Nemendur fá markvissa ritþjálfun þar sem unnið er með málfræði, stíl og orðaforða.

Smásögur, skáldsögur og/eða ljóð eru lesin og verkefni unnin upp úr þeim. Nemendur kynna sér fjölbreyttan menningarheim spænskumælandi þjóða og bera saman við sinn eigin.

   Markmið            

Nemendur

-    öðlist öryggi í framburði

-    séu færir um að tala óhikað og lipurlega

-    geti rætt um viðfangsefni sem eru tengd námsefninu og tjáð skoðanir sínar

-    geti endursagt sögur og tekið þátt í óundirbúnu samtali

-    hafi kynnt sér framburð mismunandi landsvæða

-    kunni að nota mismunandi tíðir sagna, viðtengingarhátt og skildagatíð

-    geti skilið orðasambönd sem snerta hin ýmsu málefni

-    nái megininnihaldi í samtali nokkurra einstaklinga

-    hafi tileinkað sér orðaforða í kennslubók og nytjatextum og hafi góðan almennan orðaforða

-    hafi dýpkað skilning sinn á flóknum textum

-    hafi kynnt sér menningarþætti og landshætti ýmissa landa rómönsku Ameríku

   Námsmat

Stúdentspróf er munnlegt og skriflegt. Námseinkunn er fyrir vinnu nemenda yfir veturinn.