Spænska í 3.M

SPÆ 2O4

Spænska í 3. bekk, málabraut

(Samsvarar að hluta SPÆ 203 og SPÆ 303 í Aðalnámskrá)

   Námslýsing

Fengist er við samtalsæfingar úr námsefninu. Bætt er jafnt og þétt við óvirkan og virkan orðaforða, m.a. með notkun spænsk-spænskra orðabóka, og við málfræði, þar sem nemendur læra að nota nýjar tíðir sagna. Áhersla er lögð á talæfingar með góðu talmáli og formlegu máli. Nemendur þjálfast í að segja frá liðnum atburðum í þátíð og að endursegja nokkuð langan texta. Samskiptahæfni nemenda er þjálfuð markvisst. Þeir fá æfingu í að bjarga sér í spænskumælandi landi. Nemendur lesa efni af menningarlegum toga og leysa verkefni tengd því, lesa létta bókmennta- og nytjatexta og vinna m.a. við þýðingar og endursagnir úr þeim. Nemendur eru hvattir til að búa sjálfir til frásagnir sem tengjast lesefninu.

   Markmið

Nemendur

-    kunni framburðarreglur og hafi góðan framburð

-    hafi nægan orðaforða til að geta útskýrt sögur og atburði

-    hafi tileinkað sér orðaforðann í kennslubókinni

-    kunni grundvallaratriði í málfræði

-    skilji allvel talað mál

-    hafi byggt upp góðan orðaforða

-    geti tekið þátt í einföldum samræðum og notað málshætti og almennan orðaforða

-    geti sagt frá einstökum atburðum í þátíð

-    geti tjáð sig í rituðu máli

-    hafi lesið spænska bókmenntatexta af ýmsum toga og annað lesefni um menningu hins spænskumælandi heims

   Námsmat

Annareinkunnir byggjast á símati þar sem prófað er í talmáli og hlustun, málfræði og textum á kennslutíma.