Danska í 2.M

DAN 2M5

Danska í 2. bekk, málabraut

(Samsvarar DAN 212 og DAN 303 í Aðalnámskrá)

  Námslýsing

Lesnir eru nytjatextar og bókmenntatextar. Til nytjatexta teljast m.a. netsíður, útvarps- og sjónvarpsefni og til bókmenntatexta kvikmyndir. Í nytjatextum er komið víða við og m.a. fengist við form og uppbyggingu textanna. Lesnar eru smásögur og skáldsögur eftir þekkta danska rithöfunda, sem sýna þætti dansks mannlífs og menningar í Danmörku. Viðfangsefnin taka mið af málefnum líðandi stundar á Norðurlöndum. Lesskilningur á sænsku og norsku er tekinn fyrir. Á haustönn er lögð megináhersla á stutta texta og nytjatexta. Á vorönn eru lesnar nokkrar skáldsögur. Textaval miðast við áherslur málabrautar, þ.e. að veita innsýn í evrópska menningu.

  Markmið

Nemendur

• séu vel læsir á texta á venjulegu máli
• skilji eðlilegt talmál um almenn efni
• geti rætt í samfelldu máli um almenn málefni
• geti skrifað rétt og skipulega um almenn og sérdönsk viðfangsefni
• geti leitað sér upplýsinga um dönsk málefni í bókum og á Netinu
• séu færir um að vinna úr upplýsingum í riti og tali á dönsku, t.d. kynningum í máli og myndum
• hafi góða þekkingu á sérkennum dansks mannlífs, ekki síst menntun í Danmörku og hinum Norðurlöndunum
• geti útfyllt eyðublöð og umsóknir á dönsku
• átti sig á gildi dönskukunnáttu fyrir skilning á norsku og sænsku

  Námsmat

Stúdentspróf að vori er bæði skriflegt og munnlegt auk prófs í hlustun. Námseinkunn er gefin fyrir próf, verkefni og ástundun á báðum önnum.