Íslenska í 4.M

ÍSL 4M6

Íslenska í 4. bekk, máladeild

(Samsvarar einkum áfanga ÍSL 503 og 603 í Aðalnámskrá)

  Lýsing

Nemendur fást við bókmenntir og bókmenntasögu 20. aldar, í samhengi við strauma og stefnur í þjóðfélags- og menningarmálum hérlendis og erlendis. Þeir kynnast bæði höfundum og stökum ritverkum og þjálfast í bókmenntagreiningu en á hana er lögð mikil áhersla. Nemendur kynnast þýðingum og barnabókmenntum og þjálfast í greiningu þeirra og lestri fræðigreina um bókmenntir. Nemendur fást við ýmiss konar textasmíð, semja heimildaritgerð og kynnast þannig fræðilegum vinnubrögðum. Brýnt er fyrir þeim að taka þátt í umræðum, sýna sjálfstæði í vinnubrögðum og ástunda gagnrýna og vandaða úrvinnslu verkefna.

  Markmið

 Nemendur

-    geri sér grein fyrir hlutverki bókmennta í samfélaginu og áhrifum
      þeirra á einstaklinga og samfélag
-    þekki helstu höfunda og verk í íslenskri bókmenntasögu 1901
      2000
-    þekki helstu strauma og stefnur í bókmenntum 20. aldar
-    hafi rækilega kynnt sér valin ljóð, smásögur og skáldsögur eftir
     1900 og fjalli um verkin í ræðu og riti
-    þekki bragarhætti og kunni að greina myndmál og stílbrögð
      ljóða
-    geti lesið og greint margvíslegar bókmenntir með aðferðum 
      bókmenntafræðinnar
-    kynnist barnabókmenntum og þýddum bókmenntaverkum
-    skrifi ritgerðir sem byggjast á greiningu og túlkun texta með 
     aðstoð hugtaka bókmenntafræðinnar
-    þjálfist í upplestri eigin texta og annarra
-    hafi lært til verka við að semja fræðilega heimildaritgerð þar 
     sem þeir afli sér m.a. heimilda á Netinu
-    kynnist öðrum birtingarformum skáldskapar, t.d. leikritum og 
     kvikmyndum.

  Námsmat

Stúdentspróf að vori er skriflegt úr námsefni skólaársins. Námseinkunn byggist á haustannarprófi, skyndiprófum, ritgerðum og öðrum verkefnum og ástundun yfir skólaárið.