Vinnureglur vegna tíðra fjarvista

1. Um viku fyrir uppgjör skólasóknar, sem fer fram á miðri önn, sendir kennslustjóri viðvörun til allra nemenda sem eru með minna en 85% mætingu.
2. Umsjónarkennarar ræða jafnframt sérstaklega við þennan nemendahóp.
3. Þegar uppgjör hefur farið fram funda stjórnendur með námsráðgjöfum um þá nemendur sem eru með minna en 85% mætingu.
4. Kennslustjóri sendir áminningarbréf til nemenda sem eru með 80-85% skólasókn vegna slakrar mætingar. Bréf þetta er einnig sent til forráðamanna ólögráða nemenda.
5. Kennslustjóri sendir bréf um brot á skólareglum til nemenda sem eru undir 80% mætingu. Nemendum verður veitt tækifæri til að útskýra fjarvistir sínar. Bréf þetta er einnig sent til forráðamanna ólögráða nemenda.

Stjórnendur funda með námsráðgjöfum um þá nemendur sem sem ekki gátu veitt fullnægjandi skýringar á fjarvistum sínum til að ákvarða um frekari meðferð málsins. Brot á skólasóknarreglum er agabrot.