Reglur um vinnufrið

• Nemendur virði verkstjórn kennara. 
• Nemendur mæti stundvíslega.
• Nemendur mæti með kennslubækur og önnur námsgögn.
• Nemendur taki virkan þátt í náminu og stuðli að góðum vinnuanda.
• Nemendur stilli margmiðlunartæki sín á þögn eða hafi slökkt á þeim.
• Nemendur nýti fartölvur aðeins til náms í viðkomandi kennslugrein.

Viðbrögð við agabrotum

1. Kennari skal ávíta nemendur sem spilla vinnufriði.
2. Kennara er heimilt að vísa nemanda, sem spillir vinnufriði, úr kennslustund. Kennari skal upplýsa kennslustjóra um atvikið sem og önnur alvarleg agabrot.
3. Kennslustjóri skráir slík atvik, ræðir við nemendur sem verða uppvísir að alvarlegum agabrotum og upplýsir jafnframt forráðamenn ólögráða nemenda um málið. Kennslustjóri vísar eftir atvikum máli áfram til rektors.
4. Rektor getur áminnt nemanda og vísað úr skóla ef áminningu er ekki sinnt. Brottvísun getur verið tímabundin eða varanleg eftir eðli máls.
5. Telji nemendur kennara ekki tryggja vinnufrið í kennslustund geta þeir komið kvörtunum til konrektors eða rektors.