Þátttaka MS-inga í alþjóðaverkefni Ungra frumkvöðla

Þrjú hundruð nemendur á Íslandi frá átta menntaskólum taka þátt í alþjóðaverkefni Ungra frumkvöðla, Juni­or Achievement, á vorönn 2016 og þar á meðal eru sextíu og tveir nemendur frá hagfræðikjörsviði Menntaskólans við Sund sem jafnframt er fjölmennasti hópurinn frá MS til þessa.

Upp­hafs­fund­ur Ungra frum­kvöðla á Íslandi, Juni­or Achievement, var hald­inn í Há­skól­an­um í Reykja­vík 12.janúar sl. þar sem nemendur, kennarar og starfsmenn þeirra fyrirtækja sem munu styrkja verkefnið voru mættir til að hlusta á erindi Ill­uga Gunn­arssonar, mennta­málaráðherra, Robert Cus­hm­an, sendi­herra Banda­ríkj­anna, Ara K. Jónssonar, rektors HR, Rögnu Árnadóttur, aðstoðarforstjóra Lands­virkj­un­ar og Harðar Guðmundssonar frumkvöðuls.

Skól­arn­ir sem taka þátt í verkefninu í ár eru Mennta­skól­inn við Sund, Versl­un­ar­skóli Íslands, Fjöl­brauta­skól­inn við Ármúla, , Fjöl­brauta­skól­inn í Garðabæ, Fjöl­brauta­skól­inn í Breiðholti, Mennta­skól­inn í Kópa­vogi, Fram­halds­skól­inn í Vest­manna­eyj­um og Mennta­skól­inn við Hamra­hlíð.

Juni­or Achievement eru alþjóðleg fé­laga­sam­tök sem starfa á heimsvísu en verk­efni á veg­um sam­tak­anna hafa áhrif á meira en tíu milljónir nem­enda á ári í 122 lönd­um, þar af þrjár millj­ón­ir nem­enda í 39 Evr­ópu­lönd­um. Sam­tök­in leit­ast við að und­ir­búa ungt fólk fyr­ir framtíðina og auka færni þeirra til at­vinnuþátt­töku og at­vinnu­sköp­un­ar með því að stuðla að auk­inni ný­sköp­un­ar-, frum­kvöðla- og viðskipta­mennt­un í skól­um. JA á Íslandi er þátt­tak­andi í JA á heimsvísu.  Hluti af JA Ice­land verk­efn­inu er keppni um bestu viðskipta­hug­mynd­ina og sýn­ingu og sölu á nýj­um vör­um sem nemendur munu skapa í verk­efn­inu. Sig­ur­veg­ar­ar keppn­inn­ar á Íslandi munu svo taka þátt í Evr­ópu­keppni í Lucer­ne í Sviss, 25. til 28. júlí.

Nánari upplýsingar má sjá á Facebook: https://www.facebook.com/ungirfrumkvodlar/?ref=hl

Eldri fréttir