Prófatíminn

Vorannarpróf hófust þann 6. maí, en síðasti almenni prófdagur er fimmtudagur 22. maí. Á prófatíma fellur kennsla niður og skólinn er allur skipulagður fyrir prófahald. Prófin eru haldin í Hálogalandi, Jarðsteini og Loftsteini. Einn dag þann 19. maí verða prófin einnig í Fensölum. Aðstaða til að lesa fyrir próf er á bókasafni skólans frá 8:00-16:00, í kennslustofum í Þrísteini frá kl. 8:00-21:00 virka daga. Tölvustofur eru opnar frá 8:00-16:00. Próftafla vorannarprófa er á heimasíðu MS. Lokað verður fyrir aðgang nemenda að Innu frá 9. – 22. maí en einkunnir verða birtar í Innu þann 22. maí kl. 20:00. Veikist nemandi á prófatíma þarf hann að tilkynna veikindi með tölvupósti á msund@msund.is eða í síma 580 7300 áður en próftími hefst. Nemendur undir 18 ára eiga að skila vottorði frá foreldrum en aðrir skila læknisvottorði áður en sjúkrapróf er haldið. Sjúkrapróf verða 23. maí en nánari tímasetning þeirra verður birt á heimasíðu skólans þann 22. maí.

 Prófsýning verður í skólanum þriðjudaginn 27. maí fyrir nemendur í 1. – 3. bekk kl. 12:30-14:00 og fyrir nemendur í 4. bekk kl. 14:30-15:30. Skólinn hvetur nemendur til að koma á prófsýningu. Þar gefst nemendum tækifæri til að skoða prófið með kennara sínum og fá skýringar og gera athugasemdir ef þeir telja þörf á. Það sama á við um samsetningu námsmats í símatsgreinum.Prófreglur er að finna á heimasíðu skólansog þær voru einnig sendar nemendum í tölvupósti. Rétt er að geta þess að símar eru bannaðir í prófum. Nemendur mega ekki vera með síma á sér í prófi. Hægt er að geyma síma í læstum hólfum sem er m.a. að finna hjá baðverði og á ganginum inn af anddyri aðalbyggingar skólans.

Ráð um prófaundirbúning og próftöku má finna á heimasíðu skólans undir Námið – Reglur um próf.

Eldri fréttir