Innritun nýnema er lokið

Innritun nýnema gekk vel og komust færri að en vildu. Næsta haust verða 9 bekkir á fyrsta námsári. Fjórir á félagsfræðabraut, fjórir á náttúrufræðibraut og einn bekkur verður á málabraut. Nýnemar staðfesta  skólavist sína með því að greiða innritunargjöldin fyrir eindaga. Verði innritunargjöld ekki greidd fyrir eindaga er hætta á að viðkomandi missi skólavistina og öðrum verði boðið skólavist. Væntanlegir nýnemar við MS eru hvattir til þess að kynna sér vel reglur skólans og námskröfur en upplýsingar um þetta er að finna hér á vefnum. Nánari upplýsingar um upphaf skólaársins verða síðan sendar á alla nýnema en gert er ráð fyrir því að þeir mæti á sal skólans mánudaginn 24. ágúst klukkan 15:00.

Eldri fréttir